جنوبی وزیرستان لوئر کی تحصیل برمل میں سکیورٹی خدشات کے پیش نظر آج مکمل کرفیو نافذ کردیا گیا ہے۔
ڈپٹی کمشنر محمد ناصر خان کے مطابق کرفیو کے دوران راغزئی میں بازار صبح 6 بجے سے شام 7 بجے تک بند رہیں گے، ایمرجنسی سروسز اور اجازت یافتہ افراد کو استثنیٰ حاصل ہوگا۔
شہریوں کو ہدایت کی گئی ہے کہ سکیورٹی فورسز کی گاڑی سے اپنی گاڑی کم از کم 50 میٹر کے فاصلے پر روکیں۔
ڈی سی نے واضح کیا کہ کرفیو کی خلاف ورزی پر دفعہ 188 تعزیرات پاکستان کے تحت کارروائی کی جائے گی۔