خبر کے مطابق شہر قائد میں 14 سے 16 ستمبر کے دوران ایک بار پھر گرم ہواؤں کا راج ہوگا۔ محکمہ موسمیات کی جانب سے جاری کردہ بیان میں کہا گیا ہے کہ آئندہ چند روز کیلئے کراچی کا موسم شدید گرام رہنے کا امکان ہے۔
تفصیلات کے مطابق 14 سے 16 ستمبر تک کراچی میں سمندری ہوائیں معطل ہونے کی واجہ سے درجہ حرارت 38 سے 40 ڈگری سینٹی گریڈ تک جاسکتا ہے۔ تاہم ہوا کے کم دباؤ کی وجہ سے کراچی میں 16 سے 18 ستمبر تک بارشوں کا امکان بھی موجود ہے۔
محکمہ موسمیات کا مزید کہنا ہے کہ اس وقت ہوا کا کم دباؤ راجستان پر موجود ہے جبکہ ایک اور ہوا کا کم دباؤ خلیج بنگال میں بن چکا ہے۔