گراؤنڈ دیکھنے گیا تو گراؤنڈ مین نے تھپڑ مار کر باہر نکال دیا اور پھر۔۔

ورلڈ ٹی20 میں بہترین کارکردگی دکھانے والے محمد رضوان کا ایک انٹرویو سوشل میڈیا پر وائرل ہو رہا ہے۔ جس میں انہوں نے بتایا کہ گراؤنڈ دیکھنے گیا تھا تو گراؤنڈ مین نے تھپڑ مار کر باہر نکال دیا تھا۔

انٹرویو میں محمد رضوان نے اپنے کرکٹ کے شوق کے بارے میں بتایا کہ میں نہ تو امیر خاندان سے اور نہ غریب خاندان سے تعلق رکھتا تھا۔ جبکہ میں ایک مڈل کلاس خاندان سے تعلق رکھتا تھا۔ اس وقت میرے پاس کرکٹ کھیلنے کا سامان بھی نہیں ہوتا تھا۔

رضوان نے بتایا کہ چھوٹا تھا تب کرکٹ گراؤنڈ دیکھنے چلا گیا تھا، گراؤنڈ مین نے مجھے دیکھ کر پوچھا یہاں کیا کرنے آئے ہو، میں نے کہا کہ گراؤنڈ دیکھنے آیا ہوں۔ اس پر گراؤنڈ مین نے تھپڑ مار کر باہر نکال دیا تھا۔

سوشل میڈیا اکاؤنٹس کے حوالے سے بتایا کہ میرے پاس صرف ٹوئٹر آفیشل اکاؤنٹ ہے۔ میرے پاس فیس بک یا کسی اور سوشل میڈیا کا اکاؤنٹ نہیں ہے۔ انہوں نے بتایا کہ یہی وجہ ہے جب وزڈن کرکٹر کا ایوارڈ دیا گیا تو انہیں کسی اور کھلاڑی نے اگاہ کیا تھا۔

رضوان نے کہا کہ میڈیا کے متعلق کوئی بات ہوتی ہے میڈیا مینیجر ابرہیم مجھ تک پہنچاتے ہیں۔