ہر پھل میں قدرت نے صحت کے بے شمار خزانے رکھے ہیں جو انسان کی زندگی میں آسانی پیدا کرتے ہیں اور انہیں عمر بھر تندرست رکھتے ہیں۔

تمام پھلوں میں ایک اور پھل پپیتا بھی آتا ہے جس کے کئی طبی فوائد موجود ہیں۔ پپیتا وہ پھل ہے جو پورا سال بازار میں موجود ہوتا ہے۔

یہ پھل ایک ایسا قدرتی ٹوٹکا ہے جو سرطان ، دل کی بیماری، نظام انہضام کے مسائل، ذیابطیس اور زخم کی تکلیف سے لڑنے میں آپ کو مدد فراہم کرتا ہے۔

پپیتا نارنگی، گلابی اور پیلے رنگ میں بھی دستیاب ہوتا ہے جبکہ اس کے اندر موجود کالے رنگ کے بیج ہوتے ہیں۔

یہ تو ہوگئی پپیتے اور اس کے فوائد کے بارے میں بات مگر کیا آپ جانتے ہیں کہ پپیتے کے بیج کے کیا فوائد ہوتے ہیں؟ پپیتے کے بیج ذائقے میں بے حد کڑوے ہوتے ہیں۔ لوگ پپیتا کھانے کے بعد اس کے بیجوں کو الگ کر کے پھینک دیتے ہیں۔

تو چلیں آج ہم آپ کو پپیتے کے بیج کےصحت پر پڑنے والے چند فوائد کے بارے میں بتاتے ہیں۔

1- گردے کے مسائل

پپیتے کے کالے بیج ہمارے گردوں کی صحت کوبرقرار کھتے ہیں اورگردہ خراب ہونے سے محفوظ رکھتے ہیں۔ یہ بیج گردے کی بیماریوں اور پوئزننگ سے لڑنے میں آپ کی مدد کرتا ہے۔

2- بلڈ پریشر قابو

پپیتا ایک اور جگہ بہترین کام کرتا ہے۔یہ پھل کارپین جیسے غزائی اجزاء سے مالا مال ہوتا ہے جس کی مدد سے ہائی بلڈ پریشر کو کنٹرول کیا جا سکتا ہے۔

3- کینسر سے بچاتا ہے

اس کا تیسرا فائدہ یہ ہے کہ پپیتے کے غذائی اجزاء موذی مرض کینسر کے خلیات اور ٹیو مر کی افزائش کو روکتے ہیں۔ ْاس کے بیجوں کو استعمال کرکے انسان تندرست زندگی بسر کرتا ہے۔

4- پیٹ کے کیڑے مارتا ہے

اس سستے پھل کا ایک اور فائدہ یہ ہے کہ اس کے بیج آنتوں کے کیڑوں کو مار نے میں آپ کی مدد کرتےہیں اور ہضم نے ہونے والے نقصان دے پروٹین کا بھی خاتمہ کردیتے ہیں۔