پاکستان سپر لیگ کا ساتواں ایڈیشن کل سے کراچی میں شروع ہوچکا ہے۔ پہلے میچ سے قبل رنگا رنگ افتتاحی تقریب منعقد ہوئی جس میں گلوکار عاطف اسلم اور آئمہ بیگ نے اپنی پرفارمنس سے لوگوں کے دل گرما دیئے۔
پی ایس ایل کی افتتاحی تقریب کا دورانیہ 20 منٹ تھا جس پر ڈھائی کروڑ روپے خرچ کیے گئے۔
رپورٹ کے مطابق مختصر افتتاحی تقریب میں کرکٹ کی تاریخ بتائی گئی، عاطف اسلم اور آئمہ بیگ نے صرف آفیشل سانگ پر پرفارمنس دی جبکہ آتش بازی، اسٹیج اور آتش بازی کے مناظر دیکھے گئے۔
ذرائع کا کہنا ہے کہ گزشتہ سال کی ورچوئل افتتاحی تقریب پر 20 کروڑ سے زائد خرچ ہوئے تھے، 2021ء کی افتتاحی تقریب کا کچھ حصہ استنبول میں بھی ریکارڈ کیا گیا تھا۔
پی ایس ایل سیزن 7 کی افتتاحی تقریب کے ویڈیو مناظر دیکھیے۔