پرانا گولیمار میں انتظامیہ کی نااہلی کا شکار ایک اور بچہ گٹر میں گرگیا، جس کے بعد اہل علاقہ نے اپنی مدد آپ کے تحت گٹر سے بچے کو زخمی حالت میں نکالا اور اسپتال منتقل کیا۔
واقعے کے خلاف علاقہ مکینوں میں یونین کونسل عملے کے خلاف اشتعال پھیل گیا۔ علاقہ مکینوں کے مطابق پرانا گولیمار یو سی 3 وارڈ 4 کے چیئرمین واجہ ولی اور ٹاؤن وائس چیئرمین شوکت بلوچ کی نااہلی کی وجہ سے بچہ کھلے مین ہول میں گرا ہے۔
اہل محلہ کا موقف ہے کہ اگر اس وقعے کا سدباب نہ ہوا تو پرانا گولیمار کے مکین مل کر چیئرمین واجہ ولی محمد، ٹاؤن وائس چیئرمین شوکت بلوچ کے خلاف تھانہ پاک کالونی میں ایف آئی آر کا اندراج کروائیں گے جبکہ اہل علاقہ کی جانب سے واقعے کے سدباب کے حوالے سے احتجاج بھی کیا جائے گا۔