لیونل میسی کی مقبولیت کسی تعارف کی محتاج نہیں، لیکن اس بار ان کے ایک فین نے کچھ ایسا کیا کہ اسٹیڈیم سے لے کر سوشل میڈیا تک سب کی نظریں اسی پر جم گئیں۔ یہ واقعہ انٹر میامی اور پالمیراس کے درمیان فیفا کلب ورلڈ کپ کے گروپ مرحلے کے آخری میچ سے قبل پیش آیا، جب ایک بزرگ خاتون نے منفرد انداز میں میسی کو مخاطب کیا۔
میسی نے بینر کی طرف دیکھ کر مسکراہٹ کے ساتھ باوقار انداز میں ہاتھ کے اشارے سے جواب دیا، جس میں انکار تو تھا، لیکن بے ادبی کا شائبہ تک نہ تھا۔ ان کے چہرے کے تاثرات نے یہ لمحہ خاص بنا دیا، جسے کیمروں نے محفوظ کر لیا اور پل بھر میں یہ مناظر انٹرنیٹ پر وائرل ہو گئے۔
پالین کینا صرف عمر رسیدہ مداح نہیں بلکہ وہ ایک متحرک سوشل میڈیا شخصیت بھی ہیں۔ وہ اپنے نواسے راس اسمتھ کے ساتھ مختلف کھیلوں کے مقابلوں میں شرکت کرتی رہتی ہیں، جہاں ان کی زندہ دلی اور جرات مندانہ انداز انہیں نمایاں کرتا ہے۔ ’گینگسٹر گرینی‘ کا انسٹاگرام اکاؤنٹ پہلے ہی نوجوانوں میں مشہور تھا، مگر میسی سے ان کی اس جراتمندانہ پیشکش کے بعد ان کے فالورز کی تعداد میں نمایاں اضافہ دیکھا گیا