ملتان سلطانز اور پشاور زلمی کے میچ میں سلطانز نے 42 رنز سے زلمی کو ہرا دیا۔ گزشتہ روز کھیلے گئے اس میچ میں دلچسپ صورتحال اس وقت پیدا ہوئی جب غیر ملکی کھلاڑ ی لیام لیونگ اسٹون نے ملتان سلطانز کی اننگز کے دوران محمد رضوان کا بلا چھین لیا اور کہا کہ اتنے رنز بناتے ہو، میں یہ بلا نہیں دوں گا۔
خیال رہے کہ قذافی اسٹیدیم میں کھیلے گئے میچ میں یہ واقعہ تب پیش آیا جب رن لیتے ہوئے بلا ملتان سلطانز کے کپتان محمد رضوان کے ہاتھوں سے چھوٹ گیا۔ بعد ازاں شان مسعود اور محمد رضوان لیونگ اسٹون کی اس شرارت پر مسکرا دیے اور انہوں نے رضوان کو بلا واپس کر دیا۔
مزید یہ کہ پھر محمد رضوان 34 رنز بنا کر وہاب ریاض کی گیند پر ایل بی ڈبلیو آؤٹ ہوگئے۔
پی ایس ایل کے ساتویں ایڈیشن کے اس کھیل میں ملتان سلاطانز کے دیے گئے 183 رنز کے تعاقب میں زلمی کی پوری ٹیم 19 عشاریہ 3 اوورز میں 140 رنز پر آؤٹ ہو گئی۔