جب بھی کوئی بڑی کرکٹ پاکستان کے دورے پر آتی ہے تو بھارت کو پیٹ میں مروڑ اٹھنے لگتا ہے۔ ایسا ایک بار پھر ہوا ہے کہ 24 سال بعد آسٹریلوی ٹیم کی پاکستان آمد پر بھارت سے آسٹریلیا کے کھلاڑیوں کو دھمکیاں ملنے لگیں۔
سیکیورٹی ذرائع کا کہنا ہے کہ 24 سال بعد پاکستان آنے والی آسٹریلوی کرکٹ ٹیم کو دھمکی آمیز پیغامات موصول ہوئے ہیں، آسٹریلوی ٹیم کے ایک رکن کی فیملی کو انسٹا گرام پر دھمکیاں دی گئیں۔
ذرائع سے معلوم ہوا ہے کہ آسٹریلوی کھلاڑی کو پاکستان میں کھیلنے پر سنگین نتائج کی دھمکی دی گئی، دھمکیاں انسٹا گرام پر جعلی اکاؤنٹjyot.isharma391 کے اکاؤنٹ سے دی گئیں۔
سیکیورٹی ذرائع کے مطابق دھمکیوں کے پیچھے بھارتی گجرات میں مقیم مرائدل تیواڑی نامی شخص ملوث نکلا ہے، مرائدل تیواڑی بھارتی گجرات میں آئی ایم سی لمیٹڈ میں انوائرمینٹل، ہیلتھ اور سیفٹی کا مالزم ہے۔
خیال رہے آسٹریلیا نے 24 سال بعد اپنی ٹیم بھیجی جو راولپنڈی میں اپنے میچز کھیلے گی۔