محمد رضوان پاکستان کے ہنس مکھ کھلاڑی ہیں اسی وجہ سے اپنی بہترین پرفارمنس کے علاوہ اپنی باتوں کی وجہ سے بھی وہ سوشل میڈیا پر چھائے رہتے ہیں۔ اس وقت بھی محمد رضوان کی ایک ایسی ویڈیو وائرل ہورہی ہے جس میں وہ شاہین آفریدی سے پشتو زبان میں کچھ کہہ رہے ہیں۔ ویڈیو دیکھیے
یہ کلپ پاکستان اور آسٹریلیا کے درمیان کھیلے جانے والے ٹیسٹ میچ کی ہے جس میں محمد رضوان، شاہین آفریدی کو مخاطب کرکے کچھ کہہ رہے ہیں۔ پشتو میں گفتگو کی وجہ سے ناظرین کچھ سمجھنے سے قاصر ہیں اور پوچھ رہے ہیں کہ محمد رضوان نے پشتو میں کیا کہا؟
اس سوال کا جواب ہم آپ کو دیتے ہیں کہ محمد رضوان اسٹیڈیم میں آئے تماشائیوں کو چہل قدمی کرتے دیکھ کر شاہین آفریدی سے کہہ رہے ہیں کہ ’ان لڑکوں کو بتاؤ کہ یہ پارک میں نہیں ہیں کہ بیٹسمین ویو کے سامنے چہل قدمی کریں۔ انھیں بتاؤ کہ اسٹیڈیم میں اس جگہ جانے کی اجازت نہیں ہے“