پاکستان اور آسٹریلیا کے درمیان تیسرے اور آخری ٹیسٹ میچ کا پانچواں روز جاری ہے جہاں پاکستانی بلے بازوں کو 351 رنز کا ہدف دیا گیا ہے۔
دوسری جانب گزشتہ روز میچ کے دوران آسٹریلوی کھلاڑی فیلڈ امپائر علیم ڈار اور احسن رضا کے ساتھ بحث کرتے دکھائی دیئے جس کی ویڈیو سوشل میڈیا پر وائرل ہوئی۔
کھیل کے چوتھے روز آسٹریلیا نے اپنی دوسری اننگز 227 رنز پر ڈکلیئر کی تھی تاہم کھیل کے دوران آسٹریلوی بلے باز ڈیوڈ ورانر اور فیلڈ امپائر علیم ڈار اور احسن رضا کے درمیان بحث ہوئی جی کی وجہ سے کھیل 3 منٹ تک رک گیا۔
ڈیوڈ وارنر اور فیلڈ امپائر کے درمیان کیا معاملہ پیش آیا؟
دراصل معاملہ یہ پیش آیا کہ آسٹریلیا کی بیٹنگ کے دوران اننگز کے 21 ویں اوور میں علیم ڈار اور احسن رضا نے ڈیوڈ وارنرکو کریز سے باہر نکل کر بیٹنگ کرنے پر وارننگ دی، جس پر وارنر نے امپائرز سے بحث شروع کردی۔ امپائرز کا خیال تھا اس عمل سے پچ کا حساس حصہ متاثر ہوسکتا ہے اور بعد میں اسپنرز کو فائدہ مل سکتا ہے۔
اس پر آسٹریلین بیٹر ڈیوڈ وارنر نے امپائز سے کہا کہ مجھے کریز سے باہر نکل کر کھیلنے کا حق حاصل ہے۔ وارنرکو اسٹمپ مائیک پر امپائرز کے ساتھ بولتے ہوئے سنا گیا کہ آپ چاہتے ہیں کہ میں کریز کے اندر جاکر کھیلوں؟ آپ’رولز بُک دکھائیں ورنہ بیٹنگ شروع نہیں کروں گا۔
امپائرز اور ڈیوڈ وارنر کے درمیان بحث مباحثے کا سلسلہ 3 منٹ تک جاری رہا۔