کرکٹ کے میدان میں کئی کھلاڑی ایسے ہوتے ہیں جو کرکٹ کے علاوہ دیگر طریقوں سے شائقین کو انٹرٹین کرتے ہیں۔ انہی کھلاڑیوں آسٹریلین اوپنر بلے باز ڈیوڈ وارنر بھی شامل ہیں۔
آسٹریلیا اور پاکستان کے درمیان تیسرا ٹیسٹ بھی ختم ہوا جس کی جیت آسٹریلین ٹیم کے نام رہی۔
پوری ٹیسٹ سیریز میں ڈیوڈ وارنر کافی لوگوں کی توجہ کا مرکز بنے۔ پہلے پنڈی کے اسٹیڈیم میں انہوں نے اپنے بھنگڑے سے سب کو محظوظ کیا اور اب انہوں نے پاکستانی فاسٹ باؤلر حسن علی کا سیلیبریشن اسٹائل کاپی کیا۔
آسٹریلیا کے خلاف دوسری اننگز میں حسن علی جب آؤٹ ہوئے تو آسٹریلوی فیلڈر ڈیوڈ وارنر نے قومی فاسٹ باؤلر کے ہی جنریٹر اسٹائل میں جشن منایا۔
پاکستان اور آسٹریلیا کے درمیان لاہور ٹیسٹ کی دوسری اننگز میں گرین کیپس شدید مشکلات کا شکار ہے اور آسٹریلیا کو میچ اور سیریز جیتنے کے لیے صرف ایک وکٹ درکار ہے۔
دوسری اننگز میں حسن علی جب ناتھن لیون کی گیند پر بولڈ ہوئے تو قریب ہی کھڑے ڈیوڈ وارنر نے حسن علی کے سامنے ہی ان کے جنریٹر اسٹائل میں جشن منایا۔ ویڈیو سوشل میڈیا پر کافی وائرل ہو رہی ہے۔