شاہد آفریدی کا شمار پاکستان کی ان مقبول ترین شخصیات میں ہوتا ہے جو سوشل میڈیا پر اپنے مداحوں کے ساتھ اپنی روز مرہ زندگی کے حوالے سے تصاویر اور ویڈیوز شئیر کرتے ہیں۔
ماہِ رمضان کے مقدس مہینے میں جب شاہد آفریدی نے اپنے ہونے والے داماد کے ساتھ دعوتِ افطار کی تصویر سوشل میڈیا پر پوسٹ کی تھی تو مداحوں نے ان کی تصویر کو دیکھ کر بھرپور تعریفیں کیں۔
اب حال ہی میں سابق کپتان شاہد آفریدی نے اپنے مداحوں کے ساتھ سحری کے اوقات کی ویڈیو شئیر کی جس میں اُنہوں نے یہ تو بتا دیا کہ آج بھی وہ کیسے اتنا فٹ رہتے ہیں۔
ہوپ ناٹ آؤٹ فاؤنڈیشن کے بانی شاہد آفریدی نے سحری کی ویڈیو پوسٹ کی جس میں وہ ورزش کرتے دکھائی دے رہے ہیں۔
شاہد خان آفریدی نے اپنے گھر پر خوشگوار انداز میں چھوٹی بیٹی کے ہمراہ ورزش کرتے ویڈیو جاری کی جس کے کیپشن میں انہوں نے لکھا کہ یہ میری سحری کا روٹین ورک آؤٹ ہے، جس میں میری بیٹی اسمارہ میری وزیٹر ہے اور عروہ میری ورزش کے لیے ہلکے وزن کے فرائض انجام دے رہی ہے۔ کیپشن کے آخر میں انہوں نے لکھا کہ سحری مبارک۔
خیال رہے کہ پاکستان کرکٹ ٹیم کے مایہ ناز سابق آل راؤنڈر شاہد آفریدی پانچ بیٹیوں کے والد ہیں جن کے ساتھ وہ اکثر تصاویر اور ویڈیوز شئیر کرتے دکھائی دیتے ہیں۔