یہ تصویر کس مشہور پاکستانی کرکٹر کے بچپن کی ہے؟ پہچانیں

مشہور شخصیات اکثر اپنے بچپن کی تصاویر سوشل میڈیا پر شیئر کرتی رہتی ہیں اور اپنے مداحوں کو اپنے بچپن کی پُرانی یادوں سے متعلق بتاتی رہتی ہیں۔ حال ہی میں پاکستان کے مشہور کرکٹر نے بھی اپنے ٹوئٹر اکاؤنٹ پر بچپن کی تصویر شیئر کی جس میں وہ اپنی والدہ کے ساتھ دکھائی دے رہے ہیں۔

کرکٹر وہاب ریاض نے ماؤں کے عالمی دن کے موقع پر اپنی والدہ کے ہمراہ پہلے اور اب کی تصویر شیئر کرتے ہوئے لکھا کہ: '' ♥️ماواں ٹھنڈياں چھاواں اللّٰہ پاک تمام مضبوط اور خوبصورت ماؤں کو صحت و تندرستی والی لمبی زندگی عطا فرمائے، آمین۔

تصویر چونکہ دھندلی تھی تو ان کے فینز نے کمنٹ میں ہی ان کی والدہ کے ساتھ تصویر کو واضح کرکے دکھایا اور لکھا کہ وہاب بھائی بس ایک چھوٹی سی کوشش کی ہے آپ کی اس تصویر کو کلیئر کرنے کی۔ ان کا یہ ٹوئیٹ اب تک 10 ہزار سے زائد لوگ لائک کر چکے ہیں۔