ملک بھر کے شہری اس وقت ازیت میں مبتلا ہیں کیونکہ ایک تو شہریوں پر لوڈ شیڈنگ کا عذاب اور اوپر سے گرمی کا یہ موسم۔ لیکن اب موسم کا حال بتانے والوں نے کراچی سمیت سندھ اور پنجاب کے رہائشیوں کو خبردار کر دیا ہے۔
کیونکہ آج بھی شہر قائد میں گرمی لوگوں کا حال برا کرنے والی ہے، کراچی میں اس وقت درجہ حرارت 32 ڈگری سینٹی گریڈ ہے اور اس کے بڑھنے کے قوی امکان ہیں، زیادہ سے زیادہ درجہ حرارت 36 ڈگری سینٹی گریڈ تک جانے کا امکان ہے، جس کی وجہ سے شہر قائد میں شدید گرمی پڑے گے۔
اندرون سندھ میں دادو، موہنجو داڑو، نوابشاہ میں پارہ 48 کو چھونےکی توقع ہے جبکہ خیبرپختونخوا میں چترال، دیر، سوات اور دیگرعلاقوں میں بارش کا امکان ہے۔
مزید یہ کہ پنجاب میں بھی سندھی کی طرح موسم شدید گرم اور خشک رہے گا۔
اگر پنجاب کے مختلف علاقوں کی بات کی جائے تو لاہور میں 45 ، فیصل آباد اور سرگودھا میں 47 ، بہاوپلور اور ملتان میں پارہ 46 دگری سینٹی گریڈ تک جانے کا امکان ہے۔
واضح رہے کہ کوئٹہ سمیت بلوچستان کے مختلف اضلاع میں بھی موسم گرم مرطوب رہے گا تاہم صوبے کے بیشتر علاقوں میں تیز ہوائیں چلنے کا بھی امکان ہے۔