بچپن میں تصویر کھنچواتے ہوئے یہ تصور بھی نہیں کیا جاسکتا کہ آگے چل کر یہ تصویر ایک دن دنیا دیکھے گی. یہ تصویر بھی ایسی ہی بچی کی ہے جس نے اپنی محنت سے دنیا بھر میں نام کمایا ہے. کیا آپ اس کو پہچان سکتے ہیں؟
چلیں آپ کو کچھ اشارے دیتے ہیں. اس بچی کا تعلق بھارت کے شہر حیدرآباد سے ہے اور اس نے کھیل کے میدان میں اتنا نام کمایا ہے کہ آج دنیا اسے پہنچانتی ہے.
بھارت کے مسلمان خاندان میں آنکھ کھولنے والی یہ لڑکی کئی بین الاقوامی ٹائٹلز کے ساتھ دنیا بھر میں اپنی صلاحیتوں کا لوہا منوا چکی ہے.
اگر آپ ابھی بھی نہیں پہچانے تو ہم بتاتے چلیں کہ یہ بھارتی ٹینس ثانیہ مرزا کے بچپن کی تصویر ہے جنھوں نے ٹینس کے میدان میں 6 بین الاقوامی ٹائٹل جیت کر بالآخر ریٹائرمنٹ کا اعلان کردیا.
عروج پر پہنچنے کے بعد ریٹائرمنٹ لینے پر ثانیہ کا کہنا تھا کہ ماں بننے کے بعد ان کے جسم کی پہلے کی طرح ریکوری نہیں ہوپاتی. اب وہ اپنی ٹینس اکیڈمی چلاتی ہیں اور بیٹے اذہان کے ساتھ دبئی میں مقیم ہیں.