دعا زہرہ جو کہ کراچی سے اغواء ہوئی تھی اور بہاولنگر کے ایک علاقے سے بازیاب ہوئی لیکن لڑکی نے اپنے ایک بیان میں کہا کہ اس کی عمر 18 سال ہے اور اس نے اپنی مرضی سے ظہیر نامی لڑکے سے شادی کی ہے۔
مگر اب عدالتی احکامات پر انکا میڈیکل کروایا گیا ہے جس سے ثابت ہو گیا ہے کہ یہ بالغ نہیں ہیں۔ نجی میڈیا چینل کی رپورٹ کے مطابق دعا زہرہ کی عمر 16 سے 17 سال ہے۔
اس کے علاوہ اے وی سی سی شعبہ تفتیش نے بتایا تھا کہ دعا زہرا کے عمر کے تعین کے لیے بون ٹیسٹ اور دیگر ٹیسٹ ہوں گے، سول اسپتال میں تمام ٹیسٹ کیے جارہے ہیں۔ حکام کا کہنا تھا کہ آج مزید ٹیسٹ کے بعد رپورٹ فائنل کی جائے گی اور آج شام تک رپورٹ ممکنہ طور پر موصول ہوجائے گی۔