توانائی کی قلت پر قابو پانے کے حوالے سے قومی سطح پر بڑا بریک تھرو سامنے آیا ہے۔
وزیراعظم شہبازشریف کی جانب سے سابق قبائلی علاقوں سے دریافت شدہ گیس فوری عوام کو فراہم کرنے کا بڑاحکم دے دیا گیا ہے۔
وزیراعظم نے دریافت ہونے والی گیس عوام کو فوری فراہم کرنے کی منظوری دینے کی خوشخبری سنائی ہے۔
خیبرپختونخوا کے علاقے بنوں سے ایک ٹریلین کیوبک فُٹ گیس کے ذخائر دریافت ہوئے تھے۔وزیراعظم کی یہ ذخائر عوام کو گیس کی قلت سے نجات دلانے کے لئے استعمال میں لانے کی ہدایت جاری کی ہے۔
ذرائع کے مطابق وزیراعظم کی فوجی فاؤنڈیشن گروپ کے چئیرمین وقار احمد ملک اور ماڑی پیٹرولیم کے سربراہ فہیم حیدر کی ملاقات ہوئی جس میں وزیر مملکت برائے پیٹرولیم سینیٹر ڈاکٹر مصدق ملک اور سیکریٹری پیٹرولیم بھی موجود تھے۔
وزیرِ اعظم کو شمالی وزیرِ ستان، بنوں میں نئے دریافت شدہ ذخائر کے بارے میں بریفنگ دی گئی۔انہیں گیس کے شعبے کی مجموعی صورتحال، طلب اور رسد سے آگاہ بھی کیا گیا۔
وزیراعظم کی متعلقہ علاقوں کے عوام کے لئے دریافت شدہ گیس کے ثمرات فراہم کرنے کی ہدایت کی ہے۔ جبکہ علاقے کی ترقی ، سماجی بہبود ، تعلیم ، صحت کے حوالے سے سفارشات بھی طلب کیں۔
انہوں نے متعلقہ حکام کو ہدایت جاری کرتے ہوئے کہا کہ جن علاقوں سے گیس نکلی ہے، وہاں کے عوام اور بچوں کو کیا ملے گا؟ پلان بنا پیش کریں۔