ماں کی محبت لازوال ہوتی ہے اس میں کوئی شک نہیں لیکن باپ کی محبت نہ دکھائی دینے والی ہوتی ہے جس کا اندازہ اولاد نہیں لگا سکتی۔
باپ بظاہر سخت ہوتا ہے لیکن اپنی اولاد سے بے پناہ محبت کرتا ہے اور ان کی خاطر کسی بھی مشکل کا سامنا کر سکتا ہے۔
باپ اپنی اولاد کے حوالے سے کتنا نرم دل ہوتا ہے اس کا اندازہ اس دلخراش واقعے سے ہوجائے گا۔
پاکستان کے علاقے تالاش میں ایک درد ناک واقعہ پیش آیا جب ایک باپ اپنے بیٹے کا غم برداشت نہ کرسکا اور اس کا جنازہ دیکھ کر خود بھی دنیا سے چل بسا۔
تالاش میں رہنے والے ایک باپ کا اکلوتا بیٹا موٹر سائیکل چلاتے ہوئے خوفناک حادثے کا شکار ہو کر جان سے ہاتھ دھو بیٹھا۔ بیٹے کی لاش جب گھر پر آئی تو گھر میں کہرام مچ گیا۔
رپورٹ کے مطابق جاں بحق ہونے والے بچے کا نام ذیشان تھا۔ ذیشان 9 بہنوں کا اکلوتا بھائی تھا اور اپنے باپ کا لخت جگر تھا، مگر خدا کا بلاوا آیا جس کے بعد وہ زندہ نہ رہا۔
بعد ازاں اکلوتے بیٹے کی موت کا صدمہ اس کے والد برداشت نہ کرسکے اور اُسی وقت دل کا دورہ پڑنے سے وہ بھی اپنے بیٹے کی وفات کے بعد دنیا سے رخصت ہوگئے۔
دونوں باپ بیٹے تالاش کے گاں شاڑی بغل سے تعلق رکھتے تھے اور گھر والوں کی ذمہ داری انہی باپ بیٹوں کے کاندھوں پر تھی۔