ایشا کپ کا میدان لگنے کو تیار ہے اس سے قبل تمام ٹیمیں دبئی پہنچ چکی ہیں۔ جہاں پاکستانی کھلاڑیوں کی افغان کرکٹ ٹیم کے کھلاڑیوں کے ساتھ ملاقات کی ویڈیو نے کرکٹ شائقین کوپسند آرہی ہیں وہیں بابر اعظم اور ویرات کوہلی کی ملاقات کی ویڈیو نے لوگوں کے دل چھو لیے۔
سوشل میڈیا شائقین ویرات اور بابر کی رسمی ملاقات کی ویڈیو کو دیکھ کر بہت پرجوش ہیں کہ اتوار کو دونوں کھلاڑی میدان میں اتریں گے اور اپنی پرفارپنس سے سب کو متاثر کریں گے۔
وائرل ہونے والی ویڈیو میں دیکھا گیا کہ ویرات کوہلی بابر اعظم کو دیکھ کر ان کے پاس آتے ہیں اور ان قومی کرکٹ ٹیم کے کپتان سے مسکراتے ہوئے ہاتھ ملاتے ہیں۔
اسی طرح ویرات کوہلی پاکستانی ٹیم کے بیٹنگ کوچ محمد یوسف سے بھی ملاقات کرتے نظر آئے۔
سوشل میڈیا صارفین کو ویرات کوہلی کی جانب سے خود بابر اعظم سے گرم جوشی کے ساتھ مصافحہ کرنا بہت پسند آرہا ہے۔
خیال رہے کہ ایشیا کپ 2022ء کا آغاز 27 اگست سے ہو رہا ہے۔ اس ایونٹ میں روایتی حریف پاکستان اور بھارت 28 اگست کو ایک دوسرے کے ساتھ مد مقابل ہوں گے۔