پاکستان نے جنوبی کوریا میں جاری ایشین یوتھ گرلز نیٹ بال چیمپئن شپ کی پلیٹ ڈویژن کپ کا فائنل جیت لیا۔
پاکستان نے فائنل میں مالدیپ کے خلاف 35 کے مقابلے میں 60 کے اسکور سے کامیابی حاصل کی۔
پاکستانی ٹیم چیمپئن شپ کے پلیٹ ڈویژن کپ میں ناقابل شکست رہی اور فائنل سمیت مسلسل 7 میچز میں کامیابی حاصل کی۔
ایشین یوتھ گرلز نیٹ بال چیمپئن شپ 11 ٹیموں کے درمیان کھیلا گیا جنہیں 2 گروپس میں تقسیم کیا گیا تھا، گروپ اے کو گولڈ کپ ڈویژن کا درجہ دیا گیا۔
گروپ - اے میں ملائیشیا، سنگاپور، سری لنکا، ہانگ کانگ، بھارت جبکہ گروپ بی میں چائنیز تائپے، جاپان، کوریا، پاکستان، مالدیپ اور سعودی عرب کی ٹیمیں شامل تھیں۔