جہاں دنیا بھر میں مہنگائی کی وجہ سے شہری پریشانی میں مبتلا ہیں، وہیں اب حکومتی حلقوں میں کچھ ایسے اقدامات کیے جا رہے ہیں جو کہ سب کی توجہ حاصل کر رہے ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
غریب اور مجبور شہریوں کی پریشانی کو مدنظر رکھتے ہوئے متحدہ عرب امارات کی حکومت نے رزق سب کے لیے، کے نام سے ایک پراجیکٹ کا آغاز کیا ہے، جس میں شہریوں کو مفت کھانا فراہم کیا جائے گا۔
حکومت نے اس حوالے سے دبئی کی مختلف سڑکوں پر وینڈنگ مشین بھی نصب کر دی ہیں، وینڈنگ مشین عموما سڑکوں پر موجود ہوتی ہیں، جس میں پیسے ڈال کر آپ مخصوص پراڈکٹ کی چیز نکالتے ہیں۔
انہی مشینوں کو اب دبئی میں رکھا گیا ہے، تاہم اس میں پیسے ڈالے بغیر مفت میں کھانا نکالا جا سکتا ہے۔
وزارت اوقاف متحدہ عرب امارات کی جانب سے شروع کیے گئے پراجیکٹ کی خاص بات یہ ہے کہ اسے باآسانی استعمال کیا جا سکتا ہے، دوسری جانب مقامی میڈیا کا کہنا تھا کہ کوئی بھی شخص باآسانی آرڈر کر سکتا ہے، اور کچھ ہی دیر میں تازہ بریڈ اس کی بھوک مٹا سکتا ہے، یہ پراجیکٹ دراصل چیرٹی ورک کا حصہ ہے۔