پاکستان کرکٹ ٹیم کے وکٹ کیپر اوپننگ بلے باز محمد رضوان ایک شاندار کھلاڑی ہونے کے ساتھ ایک اچھے انسان بھی ہیں جن کی عادتیں لوگوں کے دلوں کو چھو لیتی ہیں۔
وہیں ان کی ایک ویڈیو سوشل میڈیا پر وائرل ہو رہی ہے جس میں انہیں اپنی ننھی بیٹیوں سے گھلتے ملتے دیکھا جا سکتا ہے۔
مذکورہ ویڈیو گزشتہ روز ہونے والے میچ میں جیتنے کے بعد کی ہے جب محمد رضوان پوسٹ میچ کی تقریب کے وقت میدان میں موجود ہوتے ہیں اور اچانک ان کی دو چھوٹی بیٹیاں اپنے والد کے پاس دوڑتے ہوٸے آکر ان سے لپک جاتی ہیں۔
محمد رضوان کی ایک صاحبزادی کو ویڈیو میں یہ کہتے سنا جاتا ہے کہ بابا ہم آپ کے لیے دعا کر رہے تھے۔ جس پر محمد رضوان خوش ہوکر بیٹیوں کو گلے سے لگا لیتے ہیں۔