پاکستانی ٹیم اس وقت آسٹریلیا میں ورلڈ کپ ٹی ٹوئنٹی کھیلنے کے لیے موجود ہے جہاں ان کی دوسری ٹیمز کے کھلاڑیوں سے بھی ملاقات ہو رہی ہے۔
وہیں کرکٹ کے لیجنڈز کھلاڑی کی بھی آسٹریلیا آمد کا سلسلہ جاری ہے جنہیں ورلڈ کپ میں خاص طور پر کمینٹری کے لیے مدعو کیا گیا ہے۔
بھارتی سابق کپتان سنیل گواسکر بھی کمنٹری پینل کا حصہ ہیں جہاں ان کی برسبین میں قومی ٹیم کے کھلاڑیوں سے ملاقات کی جس کی تصاویر سوشل میڈیا پر بھی وائرل ہو رہی ہیں۔
سنیل گواسکر کی قومی کھلاڑیوں سے ملاقات ایک ڈنر پر ہوئی جس میں پاکستان ٹیم منجمنٹ کے ارکان بھی شامل تھے۔
اس موقع پر قومی کھلاڑیوں نے سابق بھارتی لیجنڈ کے ساتھ تصاویر بھی کھینچوائیں جبکہ سنیل گواسکر نے پاکستان کرکٹ ٹیم کے کپتان بابر اعظم کو
اپنی کیپ تحفے میں پیش کی، کپتان بابر اعظم لیجنڈ سابق بھارتی کپتان سے کیپ لے کر خوش ہو گئے۔
سنیل گواسکر نے کیپ دینے کے ساتھ اپنا آٹو گراف بھی بابر اعظم کو دیا۔