ٹی ٹوئنٹی ورلڈ کا آغاز ہوچکا ہے جس کا بخار ہر شائقین کرکٹ کے سروں پر سوار ہے۔ قومی کھلاڑی سمیت دیگر ٹیموں کے کھلاڑی بھی میدان میں چھکے چوکے لگانے اور وکٹیں لینے کو تیار ہیں۔
وہیں ورلڈ کپ میچز کے آغاز سے ہی اسپورٹس چینل پر سابق پاکستانی کھلاڑی بھی اپنے ماہرانہ تجزیوں سے گھر بیٹھے لوگوں کو محظوظ کریں گے۔ جیسا کہ اس تصویر نے لوگوں کے ذہنوں میں سوال اور ایک دلچسپی پیدا کردی ہے۔
سابق پاکستانی مایہ ناز کپتان اور فاسٹ باؤلر وسیم اکرم نے اپنے آفیشل فیسبک اکاؤنٹ پر پروگرام کے پینل سے ایک تصویر شئیر کی جس میں پینل میں شامل کھلاڑی ڈاکٹر کے سوٹ میں موجود ہیں۔
تصویر میں وسیم اکرم کے علاوہ مصباح الحق ، شعیب ملک، وقار یونس اور پروگرام کے میزبان فخرِ عالم بھی ہیں جو گلاسز پہنے اسٹائلش انداز میں کھڑے ہیں۔
شائقین کرکٹ کے ذہنوں میں یہ سوال گونج رہا ہے کہ پروگرام میں آخر یہ سب کیا ہورہا ہے جو یہ سب ڈاکٹر کٹ زیب تن کیئے ہوئے ہیں۔
وسیم اکرم نے تصویر کے کیپشن میں لکھا کہ چینل پر کیا چل رہا ہے؟
مذکورہ تصویر سوشل میڈیا پر وائرل ہو رہی ہے لیکن اس کی حقیقت کیا ہے آنے والا وقت ہی بتائے گا۔