قومی کرکٹ ٹیم کے سابق فاسٹ باؤلر شعیب اختر کی مشہور بھارتی شخصیات سے ملاقات ہوئی ہے۔
ذرائع کے مطابق شعیب اختر ان دنوں دبئی میں موجود ہیں جہاں ان کی مشہور بھارتی نغمہ نگار جاوید اختر اور لیجنڈری اداکار رضا مراد سے ملاقات کی۔
راولپنڈی ایکسپریس شعیب اختر کی جانب سے سوشل میڈیا ویب سائٹ ٹوئٹر پر ان سے ملاقات کی تصویریں شئیر کی گئی ہیں۔
شعیب اختر نے ٹوئٹ کرتے ہوئے لکھا کہ شارجہ انٹرنیشنل بک فیئر کے دوران جاوید اختر اور رضا مراد کے ساتھ کچھ وقت گزارنے کو ملا۔
انہوں نے لکھا کہ ملاقات میں اردو اور اس کے مستقبل اور اس زبان کی خوبصورتی کے بارے میں گفتگو ہوئی۔ یہ میرے لیے ایک اعزاز کی ہے اور ان سے کافی کچھ سیکھنے کو بھی ملا ہے۔