والدین اور چھوٹے بچوں کے درمیان ایک ایسا رشتہ ہوتا ہے، جیسے کہ ایک انٹرنی جو کہ کسی کمپنی میں ٹریننگ حاصل کر رہا ہوتا ہے، اور اسے کسی بھی غلطی پر ڈانٹا نہیں جاتا۔
ہماری ویب ڈاٹ کام کی اس خبر میں آپ کو ایک ایسی ہی دلچسپ ویڈیو کے بارے میں بتائیں گے۔
سوشل میڈیا پر ایک ویڈیو نے اس وقت سب کی توجہ حاصل کی، جب والد سو رہے تھے اور بیٹی نے اپنی کھلونے والی گُڑیا کے بال بڑھانے کا نیا طریقہ کار نکال لیا۔
جب والدین سو جاتے ہیں، تو یہی وہ وقت ہوتا ہے، جب چھوٹے بچے مکمل آزاد ہوتے ہیں، اسی دوران وہ تمام شرارتیں ہوتی ہیں، جن سے والدین منع کرتے ہیں۔
ایک ایسی ہی چھوٹی بچی نے اپنے والد کے بال کاٹ کر اپنی گُڑیا کے سر پر لگا دیے۔
ہوا کچھ یوں کہ والد آرام کی غرض سے نیند پوری کر رہے تھے، کہ اچانک بیٹی نے پیچھے سے بال کاٹ لیے، اب والد تھے نیند میں اور بیٹی تھی گڑیا کے بال سنوارنے میں۔
ننھی پری نے والد کے بال لیے اور گلو سے گڑیا کے سر پر لگا دیے، اگرچہ گڑیا کا سر تو بالوں سے ڈھک گیا مگر والدہکے سر سے بال کم ہو گئے۔
جب والد نے اٹھ کر دیکھا تو ان کے سر کے بال غائب تھے، اہم بیٹی کی صورت دیکھ کر غصہ بھی ٹھنڈا پڑ گیا۔