مشہور فٹ بالر رونالڈو صرف اپنے کھیل کی وجہ سے ہی نہیں بلکہ اپنی پرسنالٹی کی وجہ سے بھی کافی شہرتے رکھتے ہیں۔۔ سوشل میڈیا پر اس وقت ان کی مہنگی ترین گھڑی کے چرچے ہورہے ہیں جو انھوں نے سعودی کلب النصر سے معاہدے کے بعد مارسول پارک اسٹیڈیم میں پہنی تھی۔ اس گھڑی کی قیمت کروڑوں میں ہے۔
گھڑی پر عربی زبان میں کیا لکھا ہے؟
رونالڈو جس جگہ موجود ہوں اپنے لباس اور ذاتی اشیاء کی وہاں سے ہم آہنگی کا خیال رکھتے ہیں یہی وجہ ہے کہ ان کی قیمتی گھڑی لوگوں کی توجہ کا مرکز بنی رہی۔ چونکہ وہ سعودی عرب میں رہ رہے ہیں اس لئے گھڑی کا انتخاب بھی انھوں نے کافی سوچ سمجھ کر کیا ہے کیوں کہ ان کی گھڑی پر ہندسے عربی زبان میں لکھے ہیں۔
برانڈڈ گھڑی
سعودی خبر رساں ادارے العربیہ کے مطابق رونالڈو “رولیکس“ برانڈ کی “کوسمو گراف ڈیٹونا“ گھڑی پہنے ہیں اس گھڑی میں قیمتی ہیرے جڑے ہیں۔
گھڑی کی قیمت
اس گھڑی کی قیمت تقریباً 6 لاکھ 50 ہزار سعودی بتائی جارہی ہے جو پاکستانی تقریباً 4 کروڑ بنتے ہیں۔ یہ شاندار گھڑی نہ صرف پروفیشنل ریسنگ کار ڈرائیورز کے لئے بہترین مانی جاتی ہے بلکہ اس کا اسٹیل گرنے کے باوجود آسانی سے نہیں ٹوٹتا اور سورج کی شعاوں سے بھی محفوظ رہتا ہے۔ گھڑی پر سونے یا پلاٹینم کی قیمتی تہہ بھی موجود ہوتی ہے۔