اس وقت کراچی سمیت پاکستان کے تمام شہروں میں بجلی کا بڑا بریک ڈاؤن ہے جس کی وجہ سے ملک بھر میں بجلی کی فراہمی معطل ہوچکی ہے۔ جنگ نیوز کے مطابق بجلی کی مین لائنوں میں فالٹ کی وجہ سے یہ بریک ڈاؤن ہوا ہے اور سسٹم بیٹھ گیا ہے جبکہ ابھی مکمل وجہ جاننے اور بجلی کو بحال کرنے کی کوشش کی جارہی ہے۔

ملک بھر میں بریک ڈاؤن کی صورتحال

اسلام آباد الیکٹرک سپلائی کمپنی (آئیسکو) کے مطابق ریجن کنٹرول سینٹر نے بریک ڈاؤن کی کوئی واضح وجہ تاحال نہیں بتائی ہے جبکہ سیکریٹری پاور ڈویژن راشد محمود کا کہنا ہے کہ ان کے اندازے کے مطابق سسٹم میں خرابی ساؤتھ ریجن میں ہوئی ہے۔

بجلی کب تک بحال ہوگی؟

صوبہ خیبر پختونخواہ اور صوبہ بلوچستان میں بھی صبح ساڑھے 7 بجے سے بجلی کی فراہمی معطل ہے جبکہ کے الیکٹرک کے ترجمان کے مطابق بجلی بحال ہونے میں 5 گھنٹے لگ سکتے ہیں۔