کھٹی میٹھی اسٹرابیری بچوں اور بڑوں سب ہی کو پسند ہوتی ہیں لیکن انسانی جسم اور صحت پر اس کے اثرات سے بہت سے لوگ ناواقف ہیں دیگر بیریوں کی طرح اسٹرابیری کے فائدے بھی بہت ہوتے ہیں۔ یہ وٹامنز، معدنیات، فائبر اور مرکبات سے بھرپور ہوتی ہے، اس میں میں اینٹی آکسیڈینٹ اور سوزش کی خصوصیات ہوتی ہیں۔
آج ہم آپ کو دیگر چند فوائد کے علاوہ اسٹرابیری کے اوپر موجود بیچوں کے بارے میں بھی بتائیں گے۔ اسٹرابیری کے فائدے کینسر کے حوالے سے کافی مشہور ہیں اور اس کے علاوہ دیگر بیریوں میں موجود غذائیت سے بھرپور مرکبات بعض کینسروں کے خلاف حفاظت میں مدد کر سکتے ہیں۔ یہ بنیادی طور پر معدے اور چھاتی کے کینسر کو روکنے میں مددگار ثابت ہوتے ہیں، اور اس کے وہ پھیپھڑوں، پروسٹیٹ، جگر اور لبلبے کے کینسر کو روکنے میں بھی مدد کر سکتے ہیں۔
اینتھوسیانین کا تعلق دل کے دورے کے کو کم کرنے والے مرکب سے ہوتا ہے اس لئے اسٹرابیری انتھوسیانین اور کوئرسیٹن مواد کی وجہ سے دل کی بیماری سے بچانے میں مدد کر سکتی ہے۔ اسٹرابیری میں موجود پوٹاشیم بھی دل کی صحت کو سہارا دیتا ہے۔ پوٹاشیم کے استعمال اور دل کی بیماری کے خطرے کے کم کرنے میں مدد ملتی ہے۔
اب چلتے ہیں اسٹرابیری کے اوپر نظر آنے والے بیچ کی طرف تو جناب آپ کو بتاتے چلیں کہ یہ اوپر نظر آنے والا بیچ حقیقت میں بیچ نہیں ہے ، اسٹرابیری کے پھول میں دیگر پھولوں کے برعکس پھل نہیں پھولتا بلکہ اس کا ٹشو پھول جاتا ہے جبکہ حقیقی پھل چھوٹی خشک شکل میں نظر آتا ہے۔
اسٹرابیری کے اوپر جو بیج جیسی چیز نظر آتی ہے اسے ایچین کہا جاتا ہے اور درحقیقت اسٹرابیری پودے کا پھل ہوتا ہے اور ہر ایچین کے اندر ایک بیج ہوتا ہے، یہاں ایک اور حیران کن بات یہ ہے کہ جسے ہم اسٹرابیری پھل تصور کرتے ہیں وہ حقیقت میں ایسا ٹشو ہے جو پھول کو پودے سے جوڑنے کا کام کرتا ہے۔