سابق وزیر داخلہ شیخ رشید کی جانب سے نگران وزیراعلیٰ پنجاب کی تعیناتی لاہورہائیکورٹ میں چیلنج کر دی گئی ہے۔
شیخ رشید کی درخواست میں وفاقی حکومت، صدر اور الیکشن کمیشن کوفریق بنایا گیا ہے، درخواست گزار نے موقف اپنایا ہے کہ آئین میں نگران وزیراعلیٰ لگایا جانےکا طریقہ وضع کیا گیا ہے، محسن نقوی کے نام پراعتراضات تھے ، جس کےباوجود وزیراعلیٰ بنا دیا گیا جبکہ الیکشن کمیشن نے باقی تین ناموں کومسترد کرنے کی وجوہات نہیں بتائیں۔
موقف میں یہ بھی کہا گیا ہے کہ ٹرانسفر اور پوسٹنگ سیاسی جماعت کو فائدہ پہنچانے کے لیے ہو رہی ہے، درخواست میں شیخ رشید کی جانب سے استدعا کی گئی ہے کہ عدالت نگران وزیراعلی ٰکی تعیناتی کا الیکشن کمیشن کا فیصلہ کالعدم قرار دے۔