رکن قومی اسمبلی سائرہ بانو کی تقریر کے چرچے ہر طرف کئے جارہے ہیں جس میں وہ منی بجٹ پر تقریر کرتے ہوئے جذباتی ہوگئی تھیں۔
ترجمان جی ڈی اے سائرہ بانو کاقومی اسمبلی اجلاس میں بجٹ پر بحث کرتے ہوئے کہنا تھا کہ عوام کو سادگی اپنانے کا درس دیا جا رہا ہے،اپنے لئے بھی مشکل فیصلے کریں، عوام کو امتحان میں کیوں ڈال رہے ہیں،15 یا 25 ہزار تو چھوڑیں، اب 50 ہزار تنخواہ والے کا بجٹ بنا کر دکھائیں۔
سائرہ بانو نے کہاکہ غریب کی آواز بند کردی گئی، لوگوں کو آنکھوں سے آنسو نکل رہے ہیں،مارکیٹ جا کر لوگوں کا رونا دیکھیں، بلاول بھٹو اور ایم کیو ایم اب مہنگائی مارچ سندھ سے شروع کریں ،آپ کا ساتھ دیں گے۔
ان کاکہناتھا کہ غریب کی بات کرتے ہیں تو یہاں کہا جاتا ہے غریب پیدا کیوں ہوا،وزیر خزانہ اسحاق ڈار تقریر کرکے چلے گئے، حالات اس نہج تک نہ پہنچائیں کہ ہم اپنے بڑوں کی آزادی کو نقصان پہنچائیں۔
ان کا کہنا تھا کہ کہ کیا ہم صرف گوشت کھانے کیلئے پیدا ہوئے ہیں، ٹیکس پر ٹیکس لگا تے جا رہے ہیں،غریب کو مار دیں کیونکہ اسے کوئی نہیں پوچھتا۔
مزید دیکھئے نیچے دی گئی ویڈیو میں۔