شہر کراچی میں جگہ جگہ کھدی ہوئی سڑکیں اور بے ہنگم ٹریفک نے تو شہریوں کا جینا تنگ کیا ہوا ہے ہی لیکن تیزی رفتار بسوں سے بھی خوفناک حادثات کی تعداد بڑھتی جارہی ہے۔ کراچی کے علاقے گلشن اقبال میں راشد منہاس روڈ پر ایک تیز رفتار بس کی وجہ سے 20 گاڑیوں کو شدید نقصان پہنچا ہے۔ تباہ شدہ گاڑیوں کی ویڈیو دیکھیں۔
ویڈیو میں دیکھا جاسکتا ہے کہ شاندار چمچماتی ہوئی لاکھوں کی گاڑیاں تباہ ہوچکی ہیں جبکہ پولیس کے مطابق یہ بس ایک نجی ادارے کی ہے جو ملازمین کی آمدوروفت کے کام کے لئے مختص ہے۔
ایکسیڈینٹ کے بارے میں بتاتے ہوئے پولیس کا کہنا تھا کہ بس تیز رفتار سے جارہی تھی اور اچانک بریک فیل ہونے کی وجہ سے خوفناک حادثہ پیش آیا جبکہ مزید تحقیقات جاری ہیں۔