گذشتہ کچھ برسوں سے امریکہ میں مقیم بالی وُڈ اداکارہ پریانکا چوپڑا نے ایک انٹرویو میں دعویٰ کیا ہے کہ انہوں نے ہالی وُڈ منتقل ہونے کا فیصلہ اس لیے کیا کیونکہ وہاں انہیں ’دیوار سے‘ لگایا جا رہا تھا۔انڈین ایکسپریس کے مطابق اداکارہ نے ڈیکس شیفرڈ کے پوڈکاسٹ ’آرم چیئر ایکسپرٹ‘ میں گفتگو کرتے ہوئے کہا کہ ان کے کچھ لوگوں کے ساتھ مسئلے چل رہے تھے جس کی وجہ سے انہیں بالی وُڈ میں کچھ افراد کی جانب سے نظرانداز کیا جارہا تھا۔پریانکا چوپڑا کا کہنا تھا کہ ’مجھے بالی وُڈ انڈسٹری میں دیوار کی طرف دھکیلا جا رہا تھا۔ لوگ مجھے فلموں میں کاسٹ نہیں کر رہے تھے جس کی وجہ سے کچھ مسائل تھے۔ میں وہاں موجود سیاست کی وجہ سے تھکن محسوس کر رہی تھی اور مجھے لگا کہ مجھے اب بریک کی ضرورت ہے۔‘خیال رہے پریانکا چوپڑا نے ہالی وُڈ میں اپنا ڈیبیو امریکی ٹیلی ویژن سیریز ’کوانٹیکو‘ سے کیا تھا اور وہ 2018 میں امریکی اداکار اور گلوکار نک جونس سے شادی کے بعد مستقل طور پر امریکہ میں ہی مقیم ہیں۔پریانکا چوپڑا کے انٹرویو کے بعد انڈین اداکارہ کنگنا رناوت نے ٹوئٹر پر دعویٰ کیا ہے کہ ’سب کو پتا ہے کہ کرن جوہر نے پریانکا پر پابندی عائد کر رکھی تھی۔‘This obnoxious, jealous, mean and toxic person should be held accountable for ruining the culture and environment of film industry which was never hostile to outsiders in the days of AB or SRK.His gang and mafia PR should be raided and held accountable for harassing outsiders.
— Kangana Ranaut (@KanganaTeam) March 28, 2023
کنگنا رناوت نے مزید لکھا کہ پریانکا چوپڑا اور کرن جوہر کے درمیان مسائل کی وجہ اداکارہ کی شاہ رخ خان سے دوستی تھی۔انہوں نے کرن جوہر کے حوالے سے مزید لکھا کہ انڈین ہدایتکار کا احتساب ہونا چاہیے ’جنہوں نے فلم انڈسٹری کے ماحول اور کلچر کو تباہ کر دیا جو کہ امیتابھ بچن اور شاہ رخ خان کے زمانے میں باہر والوں کے لیے اتنا زہریلا نہیں تھا۔‘