ٹی20 رینکنگ: پاکستانی ٹیم کا تیسرا جبکہ آل راؤنڈرز میں شاداب خان کا چوتھا نمبر

انٹرنیشنل کرکٹ کونسل (آئی سی سی) نے ٹی20 کی تازہ رینکنگ جاری کر دی ہے۔

آئی سی سی کی رینکنگ کے مطابق انڈیا کے سوریا کمار یادو ٹی20 کرکٹ میں بیٹرز کی فہرست میں پہلے نمبر ہیں۔

بیٹرز کی ٹاپ ٹین لسٹ میں پاکستان کے وکٹ کیپر بیٹر محمد رضوان دوسرے جبکہ بابر اعظم چوتھے نمبر پر موجود ہیں۔

ٹی20 رینکنگ میں بولرز کی فہرست میں کوئی پاکستانی کھلاڑی ٹاپ ٹین میں جگہ نہیں بنا سکا جبکہ آل راؤنڈرز کی رینکنگ میں شاداب خان چوتھے نمبر پر موجود ہیں۔

بدھ کے روز جاری کی گئی نئی ٹی20 رینکنگ کے مطابق بیٹرز میں سوریا کمار یادو پہلے، محمد رضوان دوسرے، نیوزی لینڈ کے ڈیون کانوے تیسرے نمبر پر ہیں۔

بابر اعظم چوتھے، جنوبی افریقہ کے ایڈن مارکرم پانچویں، جنوبی افریقہ کے رائیلی رُوسو چھٹے، یو اے ای کے محمد وسیم ساتویں، انگلینڈ کے ڈیوڈ ملان آٹھویں، آسٹریلیا کے ایرون فِنچ نویں جبکہ انگلینڈ کے جوز بٹلر دسویں نمبر پر موجود ہیں۔

اسی طرح بولرز کی فہرست میں راشد خان پہلے، سری لنکا کے وانندو ہاسارنگا دوسرے، افغانستان کے فضل حق فاروقی تیسرے، آسٹریلیا کے جوش ہیزل وُڈ چوتھے، انگلینڈ کے عادل رشید پانچویں نمبر پر موجود ہیں۔

آئی سی سی ٹی20 ٹیم رینکنگ میں انڈیا پہلے، انگلینڈ دوسرے، پاکستان تیسرے جبکہ جنوبی افریقہ چوتھے نمبر پر ہے (فائل فوٹو: اے ایف پی)

ٹی20 میں اگر آل راؤنڈرز کی رینکنگ پر نگاہ ڈالی جائے تو شکیب الحسن کا پہلا، انڈیا کے ہارڈک پانڈیا کا دوسرا اور افغانستان کے محمد نبی کا تیسرا نمبر ہے۔

شاداب خان چوتھے، سری لنکا کے وانندو ہاسارنگا پانچویں، نمیبیا کے جے جے سمٹ چھٹے، زمبابوے کے سکندر رضا ساتویں نمبر پر ہیں۔

آئی سی سی کی فہرست میں جنوبی افریقہ کے ایڈن مارکرم آٹھویں، نمیبیا کے ڈیوڈ ویزے نویں اور انگلینڈ کے معین علی دسویں نمبر پر ہیں۔

آئی سی سی ٹی20 ٹیم رینکنگ میں انڈیا پہلے، ورلڈ چیمپئن انگلینڈ دوسرے، پاکستان تیسرے جبکہ جنوبی افریقہ چوتھے نمبر پر ہے۔