نیوزی لینڈ کے خلاف ہوم گراؤنڈ پر کھیلی جانے والی سیریز میں قومی ٹیم میں شامل نہ کیے جانے پر پاکستانی بلے باز اور وکٹ کیپر اعظم خان کا ردِ عمل سامنے آگیا۔
سماجی رابطے کی ویب سائٹ ٹوئٹر پر جاری کردہ ٹویٹ میں انہوں نے قومی ٹیم میں شامل ہونے والی کھلاڑیوں کیلئے نیک خواہشات کا اظہار کیا۔ انہوں نے لکھا کہ انشا اللہ ٹیم میں دوبارہ جگہ حاصل کرنے کے لیے اپنے کھیل اور فِٹنس پر محنت جاری رکھوں گا۔
Good luck to the boys in green for the home series, inshaAllah will keep working hard on my game and fitness to get back a place in the team.💚
— Azam Khan (@MAzamKhan45) April 4, 2023
خیال رہے کہ گزشتہ روز پی سی بی کی جانب سے نیوزی لینڈ کے خلاف 14 اپریل سے کھیلی جانے والی وائٹ بال سیریز کے لیے ٹیم کا اعلان کیا گیا تھا۔ ٹیم میں کئی بڑے کھلاڑیوں کی واپسی کے ساتھ قیادت بابر اعظم کے حوالے کی گئی تھی۔
ٹی ٹوئنٹی اسکواڈ میں فہیم اشرف، فخر زمان، حارث رؤف، افتخار احمد، محمد حارث، محمد نواز، محمد رضوان، نسیم شاہ، صائم ایوب، شاہین شاہ آفریدی اور شان مسعود شامل ہیں۔
اسی طرح ون ڈے اسکواڈ میں بابر اعظم کپتان، شاداب خان نائب کپتان، عبداللہ شفیق، فخر زمان، حارث رؤف، حارث سہیل، احسان اللہ، امام الحق، محمد نواز، محمد رضوان، محمد وسیم جونیئر، نسیم شاہ، سلمان علی آغا، شاہین شاہ آفریدی، شان مسعود اور اسامہ میر شامل ہیں۔
اعظم خان کو افغانستان کے خلاف حالیہ ٹی ٹوئنٹی سیریز میں بہتر کارکردگی نہ دکھانے پر قومی ٹیم میں شامل نہیں کیا گیا۔