آئی پی ایل میں کولکتہ نائٹ رائیڈرز کے بلے باز رِنکو سنگھ نے آخری اوور کی پانچ گیندوں پر لگاتار پانچ چھکے لگاکرگجرات ٹائٹنز سے فتح چھین لی۔
گزشتہ روز احمد آباد میں ہونے والے میچ میں کولکتہ نائٹ رائیڈرز کو میچ جیتنے کے لئے 205 رنز کا ہدف ملا، بڑے ہدف کے تعاقب میں آخری اوور میں میچ گجرات کولکتہ نائٹ رائیڈرز کے ہاتھوں سے نکلنے والاتھا آخری پانچ گیندوں پر 28 رنز درکار تھے اور سات کھلاڑی آؤٹ ہوچکے تھے۔
اس موقع رنکو سنگھ گجرات کے بالر یش دیال کے سامنے تھے، انہوں نے پانچ گیندوں پر پانچ چھکے لگاکر ہارا میچ جتوا دیا۔
رِنکو سنگھ نے 21 گیندوں پر ناقابل شکست 48 رنز بنائے اس اننگز میں ان کے چھ چھکے شامل تھے۔