سوات: کبل میں سی ٹی ڈی کے تھانے میں گزشتہ روز ہونے والے دھماکے کے شہداء کی تعداد 17 ہو گئی، پولیس نےدہشت گردی کا امکان رد کر دیا۔
دھماکے کی تحقیقات کے لیے 2 رکنی کمیٹی تشکیل دے دی گئی ہے جس میں سیکریٹری داخلہ عابد مجید اور ڈی آئی جی اسپیشل برانچ شامل ہیں۔کمیٹی کو تحقیقات جلد مکمل کر کے رپورٹ پیش کرنے کی ہدایت کی گئی ہے۔
گزشتہ روز سوات میں سی ٹی ڈی کے تھانے میں ہوئے دھماکے سے عمارتوں، مسجد، مکانات اور اسکول کی دیواریں اور چھتیں گر گئی تھیں۔دھماکے میں 40 افراد زخمی ہوئے تھے جو اسپتال میں زیرِعلاج ہیں جبکہ شہداء میں سی ٹی ڈی کے 2 افسران بھی شامل ہیں۔
سوات کے ڈی پی او شفیع اللہ گنڈاپور کے مطابق تھانے پر کسی حملے کے شواہد نہیں ملے، دھماکا تہہ خانے میں پڑے بارود میں ہوا۔دھماکا شارٹ سرکٹ کے باعث ہوا۔
کمیٹی کو تحقیقات جلد مکمل کر کے رپورٹ پیش کرنے کی ہدایت کی گئی ہے،کمیٹی جائے وقوع سے ملنے والے شواہد کا جائزہ لے گی جبکہ 9 شہدا کی نماز جنازہ اداکردی گئی ہے۔