پہلے ون ڈے میچ میں نیوزی لینڈ نے پاکستان کو جیت کیلئے 289 رن کا ہدف دے دیا۔
پنڈی اسٹیڈیم میں کھیلے جا رہے میچ میں پاکستان نے نیوزی لینڈ کو ٹاس جیت بیٹنگ کی دعوت دی۔
نیوزی لینڈ کی جانب سے ڈیرل مچل نے 11چوکے اور ایک چھکے کی مدد سے شاندار سنچری اسکور کی۔ ان کے علاوہ وِل ینگ نے 86 رن کی اننگز کھیلی۔
قومی ٹیم کی جانب سے شاہین، نسیم اور حارث نے 2،2 وکٹیں حاصل کیں جب کہ شاداب خان ایک وکٹ حاصل کرنے میں کامیاب رہے۔
واضح رہے کہ ون ڈے اسکواڈ کے لیے پاکستان ٹیم میں 6 اسپشلسٹ کھلاڑیوں کو شامل کیا گیا ہے، ان میں عبداللہ شفیق،آغا سلمان، حارث سہیل، امام الحق،اسامہ میر اور وسیم جونیئر شامل ہیں۔
پاکستان اور نیوزی لینڈ کے درمیان ہونے والی پانچ میچوں پر مشتمل ٹی ٹوئنٹی سیریز 2-2 سے برابر رہی تھی ایک میچ بارش کی نذر ہو گیاتھا۔