پاکستان اور نیوزی لینڈ کے درمیان جاری پانچ ون ڈے میچز کی سیریز کے تیسرے میچ میں پاکستان نے نیوزی لینڈ کو جیتنے کے لیے 288 رنز کا ہدف دے دیا ہے۔تیسرے ون ڈے میں نیوزی لینڈ نے ٹاس جیت کر فیلڈنگ کرنے کا فیصلہ کیا تھا جس کے بعد پاکستان نے مقررہ اوورز میں 6 وکٹوں کے نقصان پر 287 رنز بنائے۔پاکستان کی جانب سے امام الحق نے 90، کپتان بابر اعظم نے 54 اور وکٹ کیپر بیٹر محمد رضوان نے 32 رنز بنائے۔نیوزی لینڈ کی طرف سے بولنگ کرتے ہوئے میٹ ہینری نے تین، ایڈم مِل نے دو جبکہ کول مککونچی نے ایک وکٹ حاصل کی۔بدھ کے روز نیشنل کرکٹ سٹیڈیم کراچی میں مقابلے کے لیے دونوں ٹیموں کی جانب سے پلیئنگ الیون میں تین تین تبدیلیاں کی گئیں۔پاکستان کی جانب سے پلیئنگ الیون میں اُسامہ میر، احسان اللہ اور حارث رؤف کی جگہ شاداب خان، شاہین شاہ آفریدی اور محمد وسیم جونیئر کو شامل کیا گیا۔Our line-up for the third ODI #PAKvNZ | #CricketMubarak pic.twitter.com/jE3f0WYTpk
— Pakistan Cricket (@TheRealPCB) May 3, 2023
دوسری جانب کیویز کے لیے کول مککونچی نے اپنا ون ڈے ڈیبیو کیا ہے جبکہ ان کے ساتھ ایڈم مِل اور ٹام بلنڈل پلیئنگ الیون میں انجرڈ جمی نیشم، چاڈ بووِس اور راچن رویندرا کی جگہ شامل ہیں۔A toss win and we’ll bowl first in Karachi!
3 changes to the XI as Milne and Blundell come in alongside Cole McConchie (cap 210) who makes his ODI debut. They replace Neesham (ankle), Bowes and Ravindra
Follow LIVE on @skysportnz LIVE scoring https://t.co/FHtIBGmYnU pic.twitter.com/3sjXIejHoZ
— BLACKCAPS (@BLACKCAPS) May 3, 2023
پاکستان کو پانچ ون ڈے میچز کی سیریز میں 0-2 کی برتری حاصل ہے۔خیال رہے کہ اس سے قبل سیریز کے پہلے دومیچز راولپنڈی میں کھیلے گئے تھے جس میں پاکستان نے نیوزی لینڈ کو بالترتیب پانچ اور سات وکٹوں سے شکست دے دی تھی۔