لندن: فٹبال کے معروف کھلاڑی کرسٹیا رونالڈو دنیا میں سب سے زیادہ معاوضہ لینے والے کھلاڑی بن گئے۔
غیر ملکی جریدے نے 2023 میں سب سے زیادہ رقم کمانے والے کھلاڑیوں کی فہرست جاری کر دی جس کے مطابق کرسٹیا رونالڈو سعودی کلب النصر میں شمولیت کے بعد دنیا میں سب سے زیادہ معاوضہ لینے والے کھلاڑی بن گئے ہیں۔
رپورٹ کے مطابق پرتگال سے تعلق رکھنے والے فٹبالر کرسٹیا رونالڈو نے 13 کروڑ 60 لاکھ ڈالرز کما کر دیگر کھلاڑیوں کو پیچھے چھوڑ دیا ہے۔ انہوں نے ایک سال کے دوران میدان میں 4 کروڑ 60 لاکھ ڈالر جبکہ میدان سے باہر 9 کروڑ ڈالرز کمائے۔
یہ بھی پڑھیں:
رونالڈو کا سعودی عرب کے کلب سے معاہدے کا معاوضہ 20 کروڑ یورو سے زیادہ ہے۔
غیر ملکی جریدے کی جاری کردہ فہرست میں ارجنٹائن کے فٹبالر لیونل میسی 13 کروڑ ڈالر آمدنی کے ساتھ دوسرے نمبر پر ہیں جبکہ فرانسیسی فٹبالر کیلان ایمباپے 12 کروڑ ڈالر آمدنی کے ساتھ تیسرے نمبر پر براجمان ہیں۔