ہمارے یہاں گرمیوں میں پنکھا وہ نعمت ہے جس کے بنا گرمی کا تصور ہی مشکل ہوجاتا ہے، کیونکہ دوپہر ہو یا رات ہر کوئی چاہتا ہے بس پنکھا چلائے اور سکون کی نیند سوجائے۔
لیکن یہ سکون اس وقت برباد ہوجاتا ہے جب پنکھے سے مسلسل آواز آنی شروع ہوجاتی ہے، اور یہ مسئلہ صرف ایک گھر کا نہیں بلکہ اکثر گھروں کا ہے۔ اسی لئے آج ہم آپ کو اس آواز سے جان چھڑانے کا ایک آسان طریقہ بتائیں گے جس سے آپ بھی چین کی نیند سو سکیں گے۔
پنکھے کی آواز ختم کرنے کا طریقہ:
پنکھے سے آنے والی آواز کے 70 فیصد مسائل تیل خشک ہونے کی وجہ سے ہوتے ہیں۔ مشین کا تیل عام طور پر گھروں میں رکھا ہوتا ہے ورنہ کسی بھی دکان پر آسانی سے مل جاتا ہے۔
پنکھے کو اسکرو ڈرائیور کی مدد سے کھولیں اور اس کے درمیانی حصے میں تیل ڈال کر بند کردیں اور دوبارہ چلائیں۔ آواز آنی بند ہوجائے گی۔ اگر اس کے بعد بھی آواز آتی رہے تو پھر کسی کاریگر کو دکھانا درست ہوگا۔
گرمیوں میں جہاں پنکھے کی ضرورت حد سے زیادہ بڑھ جاتی ہے وہیں اس کی رفتار بھی کم ہو جاتی ہے ظاہر ہے کہ پورا پورا دن پنکھا چلتا ہے پھر رات کو بھی چلتا رہتا ہے یوں مستقل پنکھا چلنے سے اس کی رفتار میں کمی آ جاتی ہے اور اکثر اوقات ہمارے ہاں والٹیج بھی کم آتا ہے جس کی وجہ سے گرمی میں ہوا کا حصول کم سے کم ہو جاتا ہے۔ آپ کی یہی مشکل آسان کرنے کے لیے ہم آپ کو دکھا رہے ہیں ویڈیو میں وہ آسان ٹپ جس کی مدد سے آپ بھی الیکٹریشن ٹپ سے گھر بیٹھے اپنے پنکھے کی رفتار کو بڑھانے کا طریقہ جان سکتے ہیں۔
چھت کے پنکھے کی رفتار کو پنکھے کے سوئچ یا ریموٹ کنٹرول سے کنٹرول کیا جاسکتا ہے۔ آپ یہ یقینی بنائیں کہ پنکھا آن ہے اور یہ سب سے زیادہ رفتار کی ترتیب پر سیٹ ہے۔ پنکھوں پر جمی میل اور گندگی کی وجہ سے بھی پنکھے سلو یعنی ہلکے چلتے ہیں۔
پنکھے کی موٹر کو آسانی سے چلانے کے لیے اس پر تیل لگائیں تاکہ رگڑ بہترین طور پر پیدا ہوسکے۔
اس بات کو یقینی بنائیں کہ پنکھے کے ارد گرد کوئی رکاوٹیں نہ ہوں، جیسے فرنیچر یا پردے، جو ہوا کے بہاؤ میں مداخلت کر سکتے ہیں۔