بچے پڑھیں گے نہیں تو آگے ترقی کیسے کریں گے؟ پر شاید یہ بات ملک کی سب مقبول جماعت ہونے کا دعویٰ کرنے والی پی ٹی آئی بھول چکی ہے۔ عمران خان کی گرفتاری کے بعد سے ملک میں جلاؤ گھیراؤ شروع کردیا گیا۔
اسی کے نتیجے میں مالا کنڈ کے علاقے تیمر گرہ کے ایف سی پبلک اسکول کوتباہ کر دیا ۔ اس اسکول میں پڑھنے والے تمام بچے، بچیاں اس وقت کافی ڈر گئے ہیں۔ ان معصوم بچوں کے مطابق سکول سے چھٹی کے وقت کچھ لوگ اسکول میں داخل ہوئے، اور آتے ہی توڑپھوڑ شروع کر دی۔
آہستہ آہستہ انہوں نے فرنیچر بھی جلا دیا اور جو کچھ سامان بچ گیا اسے اپنے ساتھ لے گئے۔ یہی نہیں اسکول کی دیواروں کو بھی اس حادثے میں کافی نقصان پہنچا۔ اب ان بچوں کا حکومت سے مطالبہ ہے کہ اسکول برائے مہربانی جلد از جلد بنا دیا جائے ،کیونکہ وہ اس طرح اب پڑھ تو نہیں سکتے۔
واضح رہے کہ آج بھی اسکول پر ایک نظر دوڑائی جائے تو جگہ جگہ راکھ پڑی نظر آتی ہے اور جن دیواروں پر اسکول کے اچھی اچھی باتیں لکھی ہوتی تھی وہ دیواریں اب کالی ہو چکی ہیں۔جنہیں دیکھ کر خوف محسوس ہوتا ہے۔