پاکستان کے سابق وزیر اعظم عمران خان اس وقت عدالت میں پیشی سے پہلے بائیو میٹرک کے لیے ڈائری برانچ میں موجود ہیں۔ عمران خان تھوڑی دیر قبل پولیس لائن گیسٹ ہاؤس سے اسلام آباد ہائی کورٹ پہنچے ہیں۔
واضح رہے کہ عمران خان کو چند دن قبلالقادر کیس میں زیر حراست لیا گیا تھا جبکہ گرفتاری کے خلاف القادر ٹرسٹ میں مبینہ کرپشن کے کیس کی سماعت کے لیے اسلام آباد ہائی کورٹ کا خصوصی ڈویژن بینچ آج تشکیل دیا گیا ہے جو جسٹس میاں گل حسن اورنگ زیب اور جسٹس ثمن رفعت امتیاز پر مشتمل ہے۔
زرائع کے مطابق اس موقع پر سخت حفاظتی اقدمات کیے گئے ہیں۔ ہائی کورٹ کے پچھلے راستے کو سیل کرنے کے علاوہ رینجرز اور پولیس کی بھاری نفری تعینات ہے اور ہیلی کاپٹر کے ذریعے فضائی نگرانی بھی کی جارہی ہے۔