انسانوں کی طرح سانس لیتا، پسینے بہاتا اور کانپتا روبوٹ تیار

image

واشنگٹن: سائسدانوں نے دنیا میں پہلا ایسا روبوٹ تیار کر لیا ہے جو انسانوں کی طرح سانس لینے، کانپنے اور پسینے بہانے کی صلاحیتوں کا حامل ہے، روبوٹ کو Thermetrics نامی کمپنی نے تیار کیا۔

مؤقر انگریزی اخبار ڈیلی اسٹار کے مطابق انسانوں کی صلاحیتوں کا حامل یہ روبوٹ امریکہ کی ایریزونا اسٹیٹ یونیورسٹی کے محققین کے لیے بطور خاص تیار کیا گیا ہے جس کا بنیادی مقصد اس بات کا جائزہ لینا ہے کہ بہت زیادہ درجہ حرارت پہ انسانی جسم پر کیا اثرات مرتب ہوتے ہیں؟

سانس لینے، پسین بہانے اور کانپنے والے روبوٹ کو اینڈی کا نام دیا گیا ہے، اس میں 35 مقامات پر مساموں جیسا نظام موجود ہے جو انسانوں کی طرح پسینے کا اخراج کرتا ہے۔

میڈیا رپورٹس کے مطابق روبوٹ میں ایسا نظام بھی رکھا گیا ہے جس کی وجہ سے وہ جسمانی حرارت پیدا کرتا ہے اور چلتا ہے۔ ماہرین کے مطابق وہ دراصل یہ جاننے کی کوشش کر رہے ہیں کہ بہت زیادہ درجہ حرارت کس طرح انسانی جسم پر اثرانداز ہوتا ہے؟

واضح رہے کہ کمپنی کی جانب سے تیار کردہ 10 روبوٹ میں سے صرف ایریزونا اسٹیٹ یونیورسٹی کا روبوٹ ہی چہار دیواری سے باہر استعمال کیا جا رہا ہے، ماہرین اس پر تجربات کرکے شدید درجہ حرارت اور شمسی ریڈی ایشن کے اثرات کی جانچ پڑتال کر رہے ہیں۔

میڈیا کے مطابق ماہرین کا کہنا ہے کہ ہم مختلف جسمانی وزن، عمروں میں فرق اور دیگر جسمانی خصوصیات کا جائزہ اینڈی کی مدد سے لیں گے۔

رپورٹ کے مطابق ماہرین کا کہنا ہے کہ ذیابیطس (شوگر) کے مریض کا جسمانی درجہ حرارت کنٹرول کرنے والا نظام دیگر صحتمند افراد سے مختلف انداز میں کام کرتا ہے تو ہم اس طرح کی تفصیلات کو بھی مدنظر رکھیں گے۔

چین نے ماحول دوست پلاسٹ ایجاد کر لیا

میڈیا کے مطابق اس طرح کی تحقیقات سے گرمی سے بچانے والے ملبوسات اور ٹیکنالوجیز کی تیاری میں مدد مل سکے گی جو لوگوں کو ہیٹ اسٹروک جیسے عوامل سے تحفظ فراہم کرنے میں معاون و مددگار ثابت ہو گی۔


News Source   News Source Text

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.