"میں نے سوچا تھا شادی کے دن میں دلہن بن کر سجوں گی، لیکن یہ نہیں جانا تھا کہ یہ سب ایک اسپتال میں ہوگا۔ مگر Aditya نے ثابت کر دیا کہ اصل محبت دکھاوے کی محتاج نہیں ہوتی۔"
راجستھان کے بیوار شہر میں پیش آنے والی اس غیر روایتی اور جذباتی شادی نے سوشل میڈیا صارفین کے دل چھو لیے ہیں۔
1 مئی کو جب شادی کی تاریخ طے تھی، تو دولہا آدتیہ سنگھ روایتی بارات، خوشیوں اور بینڈ باجوں کے ساتھ نکلا۔ لیکن جیسے ہی اے پتا چلا کہ دلہن نندنی اسپتال میں داخل ہے سب کچھ بدل گیا۔
نندنی، جو کہ ایک یتیم لڑکی ہے طبیعت خراب ہونے کے باعث 24 اپریل کو اسپتال میں داخل ہوئی۔ شادی کی تیاریوں کے بیچ دلہن کی بیماری کسی صدمے سے کم نہ تھی، لیکن آدتیہ نے فیصلہ کیا کہ یہ بندھن کسی حال میں ٹوٹنے نہیں دینا۔
پھر ہوا وہ منظر جس نے ہر دیکھنے والے کو جذباتی کر دیا — آدتیہ نے اپنی دلہن نندنی کو ہاتھوں میں اٹھا کر سات پھیرے مکمل کیے، وہ بھی اسپتال کے کمرے میں۔ نہ کوئی اسٹیج تھا، نہ قیمتی لباس، نہ ہال، نہ شاندار ڈیکوریشن — صرف دو دل تھے، جنہوں نے مشکل وقت میں ایک دوسرے کا ساتھ نبھانے کی قسم کھائی۔
Punjabi Nursing Home کے کمرے میں موجود عزیز و اقارب، ڈاکٹروں اور نرسوں کی موجودگی میں شادی کی رسومات مکمل کی گئیں۔ آکسیجن ماسک، سادہ کپڑے، اور اسپتال کی خاموش فضا
آدتیہ اور نندنی نے دنیا کو یہ سکھا دیا کہ محبت اگر سچی ہو، تو نہ اسپتال کی دیواریں راستہ روک سکتی ہیں اور نہ ہی حالات۔ یہ صرف شادی نہیں، بلکہ قربانی، صبر اور خلوص کی ایک مکمل کہانی ہے۔