معاشی ماہر ملک بوستان نے کہا ہے کہ سٹے بازوں کی امیدوں پر پانی گیا ہے۔ جہنوں نے اس امید پر ڈالر روک کر رکھے تھے کہ قیمت 5 سو روپے تک جائے گی ان کی امیدوں پر پانی پھر گیا ہے۔
انہوں نے کہا ہے کہ ڈالر کی قیمت 270 سے نیچے جائے گی جبکہ بلوم برگ بھی کہہ رہا ہے کہ یہ قیمت 240 تک نیچے گر سکتی ہے ۔
ملک بوستان کا مزید کہنا تھاکہ سی پیک پر چینی حکومت مطمئن ہے۔
قبل ازیں چیئرمین پاکستان فاریکس ایکس چینج ملک بوستان نے دعوی کیا تھا کہ آئندہ کچھ دنوں میں ڈالر کی قیمت 245روپے تک آسکتی ہے ۔
ملک بوستان نے پاکستانی عوام کو خوشخبری دیتے ہوئے کہا ہے کہ آئی ایم ایف کے معاہدے کے بعد ڈالر کی قیمت میں مزید کمی ہو گی، آنے والے دنوں میں ڈالر کی قیمت 245 روپے پر آسکتی ہے ۔
انہوں نے کہا ہے کہ پاکستان میں آنے والے دنوں میں بڑے پیمانے پر سرمایہ کاری ہو گی۔
خیال رہے رہے آج بروز بدھ انٹربینک میں ڈالر کی قیمت مین ایک روپے 97 پیسے کا اضافہ ہوا جس کے بعد 277 روپے 41 پیسے پر بند ہوا ہےجبکہ سونے کی فی تولہ قیمت میں بھی ایک ہزار روپے کا اضافہ ہوا ہے۔