سعودی فٹبال کلب النصر نے اعلان کیا ہے کہ انہوں نے سابق پرتگالی فٹبالر لوئس کاسترو کی بطور کوچ خدمات بھی حاصل کر لی ہیں۔ سعودی کلب نے پرتگال میں نئے سیزن کے آغاز سے قبل منعقدہ تربیتی کیمپ میں اس کی تصدیق کی ہے۔ النصر کلب نے کتنے عرصے کے لیے کاسترو کے ساتھ معاہدہ کیا ہے اس بارے میں نہیں بتایا گیا۔ لوئس کاسترو سے قبل سعودی پرو لیگ میں الہلال کلب میں جارج جیسس اور سٹیون جراڈ نے الاتفاق کلب میں شمولیت اختیار کی تھی۔ 61 سالہ پرتگالی فٹبالر اس سے قبل یوکرین کے کلب شاختر ڈونیسک اور برازیل کے فٹبال کلب بوٹافوگو کے ساتھ کوچنگ کی ذمہ داریاں نبھا چکے ہیں۔ گذشتہ ماہ سعودی پرولیگ میں النصر کلب دوسرے نمبر پر رہی تھی۔ اب لوئس کاسترو آئندہ ماہ منعقد ہونے والی ایشین چیمپیئن لیگ کے کوالیفائنگ مرحلے میں النصر کی قیادت کریں گے۔ اس سے قبل النصر کو فرانسیسی کوچ روڈی گاشیا کی خدمات حاصل کی تھی جبکہ کروشیا سے تعلق رکھنے والے کوچ ڈنکو جیلیسس نے بھی عبوری طور پر کوچنگ کی ذمہ داریاں نبھائی تھیں۔