وزیر خزانہ اسحق ڈار نے کہا ہے کہ آئی ایم ایف نے قرض پروگرام کے تحت ایک ارب 20 کروڑ ڈالر کی پہلی قسط اسٹیٹ بینک میں منتقل کردی ہے۔
اسلام آباد میں پریس کانفرنس سے خطاب کرتے ہوئے وزیر خزانہ نے کہا کہ ایم ایف کا پروگرام 9 ماہ کا ہے ، پروگرام کے تحت 3 ارب ڈالر ملیں گے۔
وزیر خزانہ نے مزید کہا کہ توقع ہے ہمارے کل زرمبادلہ کے ذخائر 13 اور 14 ارب ڈالر کے درمیان ہوں گے، رواں ہفتے اسٹیٹ بینک کے ذخائر میں 4 ارب 20 کروڑ ڈالر کا اضافہ ہوا، اس حوالے سے اسٹیٹ بینک رپورٹ جاری کرے گا۔