مسلسل چار بار ومبلڈن ٹینس کا فائنل جیتنے والے نوواک جوکووچ کو ومبلڈن ٹینس کے فائنل میں شکست، اسپین کے ٹینس کھلاڑی کارلوس الکاریز نے فائنل جیت کر تاریخ رقم کر دی۔
ٹینس اسٹار کارلوس الکاریز نے اپنے کیرئیر کا پہلا گرینڈ سلیم ٹائٹل اپنے نام کر لیا۔ دونوں کھلاڑیوں کے درمیان کھیلے جانے والا فائنل 4 گھنٹے 42 منٹ جاری رہا۔
کارلوس الکاریز پہلے سیٹ میں ہار گئے لیکن انہو ں بہترین کھیل پیش کرتے ہوئے پانچ سیٹس پر مشتمل فائنل میں تین سیٹ جیت کر جوکووچ کو شکست دے دی، برطانیہ کی شہزادی کیٹ مڈلٹن نے انہیں ٹرافی پیش کی۔
فائنل جیتنے کے بعد الکاریز کا کہنا تھا جب سے پیدا ہواہوں نوواک جوکووچ کو ٹینس ٹورنامنٹ جیتتے ہوئے دیکھ رہا ہوں، جوکووچ بہت ہی شاندار کھلاڑی ہیں انہوں نے مجھے بہت متاثر کیا ہے، انہیں دیکھ کر ہی میں نے ٹینس کھیلنا شروع کی، آج ان کے خلاف میچ جیت کر اچھا محسوس کر رہا ہوں۔